Nagkahiusa ang 21 ka City Council sa Cagayan de Oro sa pagdawat sa Comprehensive Local Juvenile Intervention Plan. Kini nga plano, gi-endorso pinaagi sa Resolution No. 5, Series of 2025, sa City Development Council, naglatid og mga mekanismo sa institusyon ug usa ka monitoring framework aron matubag ang mga panginahanglan sa mga bata nga anaa sa peligro (children at risk) ug mga bata nga nalambigit sa paglapas sa balaod (children in conflict with the law).
Si Councilor Des Dahino, chairman sa komitiba sa womens and family relations, miingon nga ang plano miagi sa estrikto nga proseso aron masiguro nga nagsubay kini sa mga nasudnong mandato. Dugang pa niya, naghimo og usa ka technical working group aron mailhan ang mga kakulian ug palig-onon ang mga probisyon alang sa epektibo nga lokal nga pagpatuman.
Ang plano nag-pormalisa sa koordinasyon taliwala sa mga importanteng hingtungdan lakip na ang CSWD, ang City Council for the Protection of Children, ug mga barangay councils aron masiguro ang hiniusang interbensyon sa tibuok siyudad.
Nagpakita usab kini sa pasalig sa lokal nga panggamhanan sa syudad nga ipatuman ang katungod sa mga kabatan-onan (juvenile rights) ug palapdan ang ilang access sa mga programa ug serbisyo nga haom sa mga bata.
Photo courtesy: Juvenile Justice and Welfare Council
