Giila sa Provincial Government of Bukidnon ang mahinungdanong katungdanan sa tulo ka opisina sa probinsya atol sa Monthly Convocation Program kagahapon Disyembre 1, 2025 sa Kaamulan Open Theater, Kaamulan Park, Malaybalay City. Ang mga opisina nga giila mao ang Provincial Disaster Risk Reduction & Management Office (PDRRMO), Provincial Detention & Rehabilitation Center (PDRC), ug PGO-Civil Security Unit (CSU).
Sa mensahe ni Provincial Governor Rogelio Neil P. Roque nga gipadangat ni Provincial Vice-Governor Clive D. Quiño, gipasalamatan ang disiplina ug dedikasyon sa maong mga opisina sa ilang pagsiguro sa usa ka luwas, hapsay, ug padayon nga nag-uswag nga probinsya.
Gipresenta usab sa tigum ang mga kalampusan sa matag opisina sulod sa tibuok tuig. Sa PGO-CSU, gibug-aton ang tahas sa opisina sa pagmintinar sa seguridad sa tanang provincial facilities ug offices. Ang PDRC padayon nga gisunod ang lima ka scope of rehabilitation process—intellectual, psychological, social, physical, ug spiritual—alang sa behavioral reform, emotional development, ug personal transformation sa mga Persons Deprived of Liberty (PDLs).
Ang PDRRMO usab nagpahimulos sa tulo ka thematic areas sa Disaster Risk Reduction & Management (DRRM): Disaster Prevention & Mitigation, Disaster Preparedness, Disaster Response, ug Disaster Recovery & Rehabilitation. Ilang gi-report ang dakong papel sa pagresponde sa flashfloods sa LGU-Valencia ug LGU-Pangantucan, ug sa landslide sa Brgy. Palacapao, Quezon, Bukidnon.
Dungan sa Monthly Convocation Program, gitunol usab sa 28th Sangguniang Panlalawigan, pagpanguna ni Vice-Governor Quiño, ang Congratulatory Resolution ug ang Governor’s Commendation sa mga hingtungdang indibidwal, opisina, ug ahensya sa probinsya.
via: LGU BUKIDNON
