Gikumpirma sa Philippine Consulate General sa Hong Kong nga usa ka Pilipino ang namatay sa nahitabong mala-impyero nga sunog sa usa ka high-rise residential complex sa Tai Po, Hong Kong niadtong Miyerkules, Nobyembre 26 ning kasamtangang tuig.
Base sa report sa konsulado nga subay sa advisory nga penitsahan niadtong Nobiyembre 29, nga usa ka babaye ang namatay sa insidente ug wala pa usab mihatag ug dugang detalye kabahin sa iyang pagkatawo. Samtang 79 usab ka mga Pilipino ang kumpirmadong naluwas ug 12 ang nasamdan ug padayon pa nga giverify sa mga otoridad.
Kalabot niini, padayon usab ang Philippine Consulate General sa Hong Kong sa pagpatuman sa kinahanglang pag-atiman sa mga overseas Filipino workers nga naapektuhan sa insidente ingon man padayon sila sa ilang on-the-ground nga mga operasyon aron masusi ang kaayohan sa mga naapektuhan.
Subay sa report sa kabomberohan nga milungtad ngadto sa kapin 10 ka oras ang sunog sa lugar ug gikumpirma usab sa mga otoridad nga 128 ka mga indibidwal ang namatay ug 150 pa usab ang namissing ug padayon pang gipangita.
Photo Courtesy to: REUTER
