Gipasalig sa Philippine National Police nga ilang sumpoon ang mga namaligya og illegal nga matang sa pabuto.
Sumala ni acting PNP Chief Lt. Gen. Jose Melencio Nartatez, gi-assign na niya ang mga kapulisan sa tibuok nasud nga magpahigayon og regular nga inspeksyon sa mga lugar kung asa gibaligya ang mga pabuto.
Gidasig usa niya ang mga kapulisan nga magbinantayon tungod dili lamang sa Bocaue, Bulacan ang adunay himuanan ug baligyaanan sa mga pabuto.
Aduna na usab silay koordinasyon sa ubang mga ahensya para dali ra nga masumpo ang mga namaligya ug pabuto sa nasud.
Nanawagan usab si Nartatez sa publiko nga i-report dayon sa kapulisan sa bisan kinsa man ang nagabaligya ug dili otorisadong matang sa pabuto.
Photo Courtesy to:PNA
