Target sa trilyon pesos nga pondo sa Department of Education (DepEd) para sa umaabot nga tuig ang pagsulbad sa nagkagrabe nga krisis sa edukasyon sa nasud.
Sumala ni Education Sec. Sonny Angara, ang Senate version sa General Appropriations Bill makapalig-on pa sa mga reporma nga gihingusgan sa ahensiya, human kini mosaka og 12.65% gikan sa National Expenditure Program ug 77.66 billion pesos kompara sa giaprubahan nga budget sa Kamara.
Matod pa kalihim, hingusgan sa 2026 budget sa ahensiya ang pangmalungtaron nga roadmap alang sa pagpahapsay sa access, accountability, kalidad sa edukasyon ug kaandam sa mga tinun-an sa umaabot .
Dakong bahin sa pondo nakita nga tuyo igahin sa textbooks ug learning materials, nga naglaom nga makahimo ang ahensya sa pag-produce og labaw sa 79 million ka learning resources, pag-develop og dugang nga mga titulo, ug pagpalapad sa reading materials alang sa mga grade 1.
Samtang ,nakadawat usab og umento sa pondo ang school-based feeding program, nga makatabang sa ahensiya aron maserbisyuhan ang 4.49 million ka mga tinun-an.
lakip usab sa gipatas-an ang budget sa pondo alang sa disaster preparedness and response program aron suportahan ang emergency operations centers uban pa.
Gikonsidera usab sa kalihim nga makasaysayanon ang pagtaas sa pondo alang sa mga school infrastructure alang sa pagpatukod sa mokapin 24,000 ka classroom/,sa pagrenovate sa halos 11,000 ka classroom ug makumpleto na ang mga wala pa nahuman nga buildings aron matubag ang kakulangon sa mga lawak klasihanan.
Palig-onon usab ang personnel support sa DepEd pinaagi sa pagpondo sa mokapin 300,000 ka new teaching positions.
PHOTO COURTESY TO:PNA
