Patay na ang German actor nga si Udo Kier sa edad nga 81-anyos, Ang iyang kauban nga si Delbert McBride, mikompirmar niini apan wala maghisgot sa hinungdan sa iyang kamatayon.
Human nahimong sikat sa mga horror movies sa 1970s, nahimo usab siyang kontrabida sa mga salida. Sa sobra sa unom ka dekada nga pag-arte nkahimo siya sa kapin sa 250 ka mga pelikula.
Nalakip usab kini sa mga salida sa Hollywood nga “Ace Ventura: Pet Detective”.
Natawo si Kier niadtong 1944 sa Cologne, Germany atol sa Ikaduhang Gubat sa Kalibutan pipila ka oras sa wala pa ang usa ka bomba miigo sa ospital diin siya natawo.
Naluwas kini ug ang iyang inahan gikan sa nahugno nga mga bahin sa ospital. Sa dihang mibalhin siya sa London sa edad nga 18, nadiskobrehan siya sa British singer nga si Michael Sarne sa usa ka coffee shop ug migawas siya sa pelikula.
Kaniadtong 1973 sa dihang gilakip kini sa mga horror movie nga “Flesh for Frankenstein” ug “Blood for Dracula”.
Photo Courtesy to:UPI
