Miresulta sa pagbaha ang pila kaadlaw nga pagbundak sa uwan sa pipila ka bahin sa habagatang Thailand ug Malaysia.
Matod sa report nga dili momenus sa walo ka mga indibidwal ang namatay sa Thailand samtang liboan ang gipangbakwit gumikan sa pagbaha diin nag apud-apod ang mga awtoridad og hinabang sa mga residente.
Sumala sa Irrigation Department nga nakatala ang southern trading hub sa Thailand nga Hat Yai og labing dako nga bundak sa uwan sulod lang sa usa kaadlaw sa kapin 300 nga tuig ubos sa kasaysayan nga niresulta sa pagkalubog sa pipila ka mga establisemento.
Nasaksihan ang pipila ka mga residente nga nilangoy sa tubig-baha aron moadto sa mas luwas nga dapit gamit ang mga gimugna nga baruto ug mga plastic containers nga maoy gisudlan sa mga bata.
Gibana-bana nga moabot sa 700,000 nga mga panimalay ang naapektuhan sukad pa sa nakalabayng semana sa duha ka mga nasud sa Southeast Asia.
