Gipahibalo sa Vatican nga si Pope Leo XIV molarga na sa iyang unang biyahe gawas sa Italya karong Huwebes, padulong sa Turkey ug Lebanon, dala ang mensahe sa kalinaw ug panaghiusa sa kanhing nagkabahin-bahin nga mga simbahan Kristiyano sa rehiyon.
Ang biyahe molungtad gikan Nobyembre 27 hangtod Disyembre 2, diin maghatag siya sa iyang unang mga mensahe ngadto sa ubang nasud ug mobisita sa pipila ka sensitibong kulturang lugar.
Ilalom kini sa hugot nga itinerary samtang nagpadayon ang tensiyon ug krisis sa Middle East. Si Pope Leo, ang unang Amerikanong Papa gikan sa Chicago nga napili kaniadtong Mayo 8, 2025 human sa pagkamatay ni Pope Francis niadtong Abril 21, ning tuig kasamtangan nga unta moadto usab unta sa maong mga nasud apan wala madayon tungod sa iyang isyu sa kahimsog sa panglawas.
Matod ni John Thavis, retiradong Vatican correspondent, ang unang langyaw nga biyahe sa usa ka Papa dakong higayon nga makuha ang tibuok kalibutanong atensyon. Gidugang niya nga dako ang nakasalalay sa pagbiyahe ni Pope Leo, ilabina sa rehiyon diin ang gubat ug kalinaw, krisis pantawo, ug interfaith dialogue nagpabiling kritikal nga isyu.
Photo Courtesy to: Britanica
