Posibleng maapektuhan ang presyo sa karneng baboy sa Bukidnon human gipahugtan sa Provincial Government ang pag-implementar sa balaod nga nagdili sa pagpasulod sa mga produktong baboy, lakip na ang buhing baboy, sa probinsya.
Sumala ni DTI–Bukidnon Consumers Protection Division Chief Junar Merla sa eksklusibong pakighinabi sa Juander Radyo Malaybalay, dugay na kining gisunod nga palisiya panahon pa kaniadto ni kanhing Governor Jose Maria Zubiri, gibawal na ang pagsulod sa karne o bisan unsang produkto sa baboy aron malikayan ang hulga sa African Swine Fever (ASF).
Taliwala sa maong lakang base sa monitoring sa Local Price Coordinating Council ning bulan sa Nobyembre, nakita nga dili kaayo dako ang epekto sa maong balaod bisan pa man sa demand and supply sa karneng baboy sa Bukidnon sa merkado ilabina ning nagsingabot sa kapaskuhan ug bag-ong tuig.
Bisan pa man niini, gisaad sa DTI uban sa Department of Agriculture nga ilang hugot nga imonitor ang presyo sa karneng baboy aron walay mapanalipdan ang mga consumer malikay sa peligro nga dala sa ASF.
via: DTI BUKIDNON
