Tungod sa mga rekomendasyon sa City/Municipal Disaster Risk Reduction and Management Office (C/MDRRMO) bahin sa taas nga risgo sa pagdahili sa yuta nga dala sa ulan ug flash flood dala sa padayon nga pag-ulan ug ang gipaabot nga epekto sa tropical depression Verbena, nagdeklarar sa suspension sa face-to-face nga klase sa tanang lebel, pampubliko ug pribado, kagahapon Lunes Nobyembre 24, 2025, ang dakbayan sa Valencia, lungsod sa Baungon, Impasug-ong ug Cabanglasan
Gibutyag ni John Rey Valero CDRRMO Department Head nga ang dakbayan sa Valencia anaa sa blue alert status nga nag-awhag sa tanang opisina nga magmabinantayon ug matinabangay panahon kung aduna nay kalamidad 24/7
Samtang subay sa pinakaulahing ebalwasyon ug rekomendasyon sa (CDRRMO), ug sa determinasyon nga ang kahimtang sa panahon sulod sa syudad Valencia miuswag na, ang pagsuspenso sa face-to-face nga mga klase sa tanang lebel, pampubliko ug pribado, gilibkas epektibo karong adlawa Nobyembre 25, 2025 (Martes), diin gimando nga ipadayon ang regular nga in-person nga mga klase
Sa dakbayan sa Malaybalay kung asa nalakip sa signal warning 1 base sa weather bulletin kagabii gipagula ang mando nga suspension sa klase sa preschool lamang pribado ug publiko karong adlawa
Taliwala niini giawhag ang publiko nga magpabiling mabinantayon, ug padayonon nga magmonitor sa mga opisyal nga anunsyo gikan sa hingtungdang ahensya, ug makig-alayon sa ilang mga komite sa Barangay Disaster Risk Reduction and Management alang sa tukma nga mga advisories ug kinahanglan nga mga update.
