Nidagan nga walay hunong sulod sa 24 oras, ang usa ka lalaki beterano sa militar sa U.S. opisyal nga nakab-ot ang bag-ong Guinness World Record pagdagan samtang nagdala og bag nga adunay sulod 18-kilos.
Si Mark Jones malampusong nakadagan og total nga 142.7 kilometros nga distansya sa Belvidere, Illinois. Nakuha niya ang titulo nga “greatest distance run carrying a 40 lb pack in 24 hours (male)”, nga milabaw sa miaging rekord nga 79.16 milyas nga nab-ot niadtong 2022.
Gihimo ni Jones ang world record nga pagsulay niadtong Nobyembre 7 aron makakolekta og pundo para sa Oscar Mike Foundation, usa ka non-profit nga nagtabang sa mga baldado nga beterano pinaagi sa adaptive sports.
Bisan sa grabeng kakapoy, ulan, ug katugnaw, si Jones nagpadayon sa pagdagan-dagan sa track uban sa suporta sa iyang pamilya ug mga higala. Ramen, energy gels, ug bacon ra ang iyang gikaon panahon sa mubo nga mga pahulay aron mapadayon ang iyang kusog.
Sumala sa Guinness adjudicator nga si Chloe McCarthy, ang kalampusan ni Jones dili lamang tungod sa pisikal nga kusog apan tungod usab sa iyang “mental fortitude.””matod ni McCathy Wala gyud siya mohunong o mosurender.
Photo Coutesy: guinnessworldrecords
