Nakatala na ang Ethiopia sa unang outbreak sa Marburg virus disease (MVD) sa nasod, ug kasamtangang ginasuportahan kini sa World Health Organization (WHO) sa pag-atubang sa insidente, tungod kay taas ang peligro niini sa national level.
Kaniadtong Nobyembre 12, 2025, nakadawat ang WHO og abiso gikan sa Ethiopian Ministry of Health kabahin sa gidudahang viral hemorrhagic fever sa Jinka, South Ethiopia.
Niadtong Nobyembre 14, gikumpirma sa Ethiopian Ministry of Health nga ang maong mga kaso positibo sa Marburg virus disease human sa laboratory testing sa National Reference Laboratory.
Hangtod Nobyembre 20, unom na ang nakumpirmang kaso gikan sa 33 nga gipailawom sa pagsusi, diin tulo niini ang namatay samtang ang laing tulo padayon pang gitambalan.
Aduna usab tulo ka suspected cases nga epidemiologically linked apan wala na’y higayon nga masukod tungod kay sila tanan namatay.
Sa kinatibuk-an, 206 ka kontak ang natudlong gimonitor, apan hangtod karon dili pa mahibal-an ang tinubdan sa impeksiyon.
Samtang, padayon ang pagpakusog sa health response aron mapugngan ang dugang pagkuyanap sa sakit.
Photo Courtesy to: WHO
