Mag-restart na ang Kashiwazaki-Kariwa nuclear power plant sa Niigata Prefecture, Japan, nga giila nga pinakadako nga nuclear plant sa kalibutan uban sa pito ka reactors, sumala sa Nikkei Asia.
Ang planta, nga adunay kapasidad nga 8.2 gigawatts, wala nag-operate sukad 2012 human sa meltdown sa Fukushima Daiichi plant niadtong 2011. Gilauman nga i-approve sa Niigata Governor Hideyo Hanazumi ang restart plan karong Biyernes, nga magdala sa planta usa ka lakang duol sa reopening.
Sukad sa Pebrero, gi-report sa technical committee sa prefecture nga walay safety issues nga nakita sa planta. Usa ra sa pito ka reactors, unit number 6, ang andam na ug adunay nuclear fuel, ug mahimo nang i-restart bisan kanus-a.
Kung molampos ang restart process, gilauman nga operational na ang reactor pagsugod sa katapusan sa Marso sa sunod tuig.
SOURCE: CNA
Photo Courtesy to: The Japan Times
