Nagpakita ug pagsuporta sa mga batan-on si Andrea Brillantes human niyang mihatag og libre nga BLACKPINK concert ticket ngadto sa usa ka nakagradwar isip summa cum laude nga fan sa BLACKPINK.
Gipahibalo sa aktres sa social media nga adunay siya extra ticket para sa konsiyerto sa BLACKPINK sa Philippine Arena kay dili makaatin ang iyang igsuon. I’m giving it away for FREE… within Metro Manila only, matod pa sa aktres sa iyang post sa X.
Paglabay sa pipila ka oras, gipadayag niya ang malipayon nga nakadawat sa ticket, nga nagpasalamat kay ang musika sa BLACKPINK maoy nakahatag kaniya og kadasig samtang nag-eskwela hangtod makagradwar siya og summa cum laude.
Gipuno sa kalipay ang two-day concert sa Deadline World Tour sa Philippine Arena gikan Nobyembre 22 hangtod 23, nga nagtimaan sa pagbalik sa BLACKPINK sa Pilipinas human sa sobra duha ka tuig.
Samantala, ang grupo nagselebrar usab sa ilang 9th anniversary, diin matag miyembro nagpahayag sa ilang dakong pasalamat sa BLINKs sa kalibotan.
Sa pagkakaron, mi-viral sa social media ang positibong reaksyon sa kabuotan ug pagpakabana ni Andrea alang sa iyang fans.
Photo Courtesy to: X.com
