Gipuntirya sa lasers sa Russian spy ship nga Yantar ang Royal Air Force nga nagbantay sa iyang lihok duol sa katubigan sa United Kingdom.
Sumala ni UK Defense Secretary John Healey, seryoso na nga giatubang sa gobyerno sa UK ang hilabihan ka delikado nga aksiyon sa maong Russian spy vessel.
Matod niya, namatikdan ang spy ship sa kasadpang bahin sa Scotland ug misulod kini sa katubigan sa UK sa ikaduhang higayon karong tuiga.
Padayon nga magbantay ang UK sa lihok sa Russian intelligence ship ug giandam na nila ang ilang military options kung mausab ang direksiyon sa Yantar.
Nagpahimangno usab ang US defense chief sa Russia ug kang President Vladimir Putin/ nga kahibalo sila sa tuyo sa barko sa maong lugar, ug kung motumong kini padulong habagatan karong semanaha, andam sila motubag.
Sa bahin sa Russia, giingon sa Russian Embassy nga wala silay interes sa British underwater communications. Matod pa ang ilang mga lihok dili makadaot sa interes sa UK ug dili usab nila tuyo nga muguba sa seguridad.
Apan sumala pa nila, ang gibuhat sa UK nga pagpahugot sa “militaristic hysteria” ug pagsunod sa “Russophobic path” maoy nakapahuyang sa seguridad sa Europa, nga nag-abli sa pultahan sa lain nasab nga peligro nga sitwasyon.
Busa ilang gihangyo ang UK nga undangon ang mga lihok nga mahimong mosamot sa krisis sa European Continent.
Photo courtesy to: united24media.com
