TOP 2 REGIONAL DRUG PERSONALITY DAKPAN; KAPIN ₱2-M NGA SHABU OG PUSIL NASAKMIT

Nadakpan sa kapulisan ang usa ka 53-anyos nga lalaki nga nailhan sa alyas “Anu,” nga giila isip Top 2 Regional Drug Personality ug High-Value Individual, atol sa usa ka joint buy-bust operation nga gipahigayon sa Purok Dacudao Extension, Barangay JP Laurel, Panabo City.

Ang operasyon gipangulohan sa Panabo City Police Station uban ang 2nd Davao Norte Provincial Mobile Force Company kon DNPMFC, Davao Norte Provincial Intelligence Unit kon DNPIU, PITDDN-RIU 11, RSOG 11, ug PDEA Davao del Norte, ubos sa liderato ni PCOL Glenn G. Cristines, Provincial Director sa Davao del Norte Police Provincial Office.

Nasakmit gikan sa suspetsado ang 355 gramos nga gituohang shabu nga nagkantidad ug ₱2.4 milyon, usa ka .38 caliber revolver nga adunay buhing mga bala, buy-bust money, ug Yamaha XTZ 125 nga motorsiklo.
Ang suspetsado giakusahan sa paglapas sa Republic Act 9165 o Comprehensive Dangerous Drugs Act of 2002 ug Republic Act 10591 kon Comprehensive Firearms and Ammunition Regulation Act.

Ang suspetsado ug ang mga nakumpiskang ebidensya anaa na karon sa kustodiya sa Panabo City Police Station, alang sa hustong disposisyon ug pagpasaka sa kaso.

Photo courtesy to: Panabo City Police Station