Gikumpirma sa Philippine Statistics Authority (PSA) nga nagpabiling sa 1.7% ang inflation rate sa Pilipinas niadtong Oktubre, pareho sa lebel nga narekord sa Setyembre. Mas manubo kini kumpara sa 2.3% nga inflation sa Oktubre 2024.
Matod ni PSA Chief National Statistician Claire Dennis Mapa, ang nag-unang hinungdan sa inflation sa Oktubre mao ang pagsaka sa presyo sa galunggong, abang sa balay, ug bayranan sa kuryente. Samtang, naghinayhinay gihapon ang inflation sa bugas, nga naka-record og -17% sa miaging buwan.
Sa Metro Manila, nitaas gamay ang inflation ngadto sa 2.9% gikan sa 2.7% niadtong Septiyembre, tungod sa taas nga bayranan sa kuryente ug presyo sa pagkaon sa mga restawran ug café.
Sa gawas sa NCR, nius-os ang inflation ngadto sa 1.3%, tungod sa ubos nga presyo sa pagkaon.
via: DBM
