Nagpahibalo kagahapon adlawng Martes ang Department of Budget and Management (DBM) nga ang mga empleyado sa gobyerno magsugod na sa pagdawat sa ilang year-end bonus ug ₱5,000 cash gift sugod sa sayong bahin ning Nobyembre.
Sa usa ka pamahayag, si DBM Secretary Amenah Pangandaman miingon nga ang mga bonus ipagawas uban sa unang payroll sa ahensya alang sa Nobyembre 2025.
Sumala sa DBM, ang year-end bonus katumbas sa usa ka bulan nga basic pay sugod sa Oktubre 31, samtang ang ₱5,000 cash gift ihatag kada tuig aron “gantihan ang kakugi ug dedikasyon sa mga trabahante sa gobyerno sa tibuok nasud.”
Gipasalig sa ahensya nga ang tanan nga gikinahanglan nga pondo alang sa mga bonus ug cash gift gipagawas na sa pagsugod sa fiscal year, nga nagtugot sa mga ahensya sa pagproseso ug pag-kredito sa mga benepisyo nga walay paglangan.
Para sa fiscal year 2025, ang DBM migahin ug total nga ₱63.69 billion para sa year-end bonuses sa civilian, military, ug uniformed personnel, samtang ₱9.24 billion ang gigahin alang sa cash gift, nga nakabenepisyo sa kapin 1.85 million nga trabahante sa gobyerno sa tibuok nasud.
via: DBM
