Suportado ang DBM sa Department of Justice (DOJ) sa ilang paningkamot sa pagpahugot ug pagpalig-on sa sistema sa hustisya alang sa mga sektor nga labing mahuyang sa katilingban atol sa openning sa Justice Summit niadtong Nobyembre 3, 2025, sa Pasay City.
Gipakita ni DBM Secretary Amenah F. Pangandaman ang tibuok suporta sa inisyatiba sa DOJ, ilabina aron mapalambo ang #OpenGov agenda sa nasud.
Matod pa ni Sec. Pangandaman, ang open government dili lang para sa transparency ug partisipasyon sa katawhan, apan usa usab ka prinsipyo nga nagtinguha sa pagdaug sa hustisya. Nag-awhag siya sa tanang partner agencies, civil society, ug stakeholders nga padayunon ang tinabangay aron ang hustisya mahimong tinuod nga makuha para sa tanan, labi na sa mga walay kusog ug gamay og proteksyon.
Ang Justice Summit gibahin sa tulo ka adlaw aron hatagan ug pinasahi nga pagtagad ang nagkalain-laing vulnerable nga sector, ang unang adlaw alang sa kabataan, ang ikaduha alang sa Persons with Disabilities (PWDs), senior citizens, ug Persons Deprived of Liberty (PDLs); ug ang ikatulo alang sa kababayen-an.
Lakip sa mitambong sa maong kalihukan si DBM Undersecretary Wilford Will L. Wong ug Acting Director sa PH-OGP Project Management Office nga si Atty. Jose Miguel B. Solis, diin ilang gipaligon ang panawagan sa lig-on, malinawon, ug makiangayon nga sistema sa hustisya alang sa tanang Pilipino.
Photo courtesy: DOJ
