Gilauman nga magpadayon ang Bangko Sentral ng Pilipinas (BSP) sa pagpaubos sa interest rate hangtod sa 2026 tungod sa nagkahinay nga pagtubo sa ekonomiya ug ubos nga inflation, sumala sa BMI, usa ka research unit sa Fitch Solutions.
Mahimong ipaubos pa sa BSP ang policy rate niini ngadto sa 4.5% sa dili pa matapos ang 2025, human sa sunod-sunod nga upat ka rate cut karong tuiga, apil na ang katapusan nga pagpaubos niini niadtong Oktubre 9 sa 4.75%.
Sumala sa BMI, kaya sa BSP ang pagpatuman pa og luag nga polisiya tungod kay padayon nga nag-ubos ang inflation, diin niabot kini niadtong Setyembre sa 1.7% nga pagmahal sa palaliton ug serbisyo, ang ikapito na nga bulan nga mas ubos sa target niini nga 2 hangtod 4 porsyento.
Bisan pa man nga naglaum ang ahensiya sa 1.6% average inflation alang karong tuiga, nga posibleng motaas pa sa 3.5% sa 2026 tungod sa epekto sa pagtaas sa kuryente ug taripa sa bugas, kini anaa ra gihapon sulod sa target ranges sa BSP.
Samtang, gilauman usab nga muhinay ang GDP growth ngadto sa 5.2% sa 2026, mas ubos sa target sa gobyerno nga 6–7%. Tungod niini, adunay rason ang BSP aron magpadayon sa pagpasayon sa monetary policy.
Photo courtesy: Business World
