Mipagawas sa gibati ang aktor nga si Will Ashley human makadawat og mga dili maayong mensahe gikan sa mga bashers, diin naapil pa ang iyang pamilya ug mga higala sa pagdaot.
Sumala sa Sparkle star, adunay mga tawo nga nanghinaot kaniya og sa iyang pamilya sa dili maayong kahimtang sa kinabuhi.
Matod pa niya, nakapangutana siya nganong mas nigrabe pa karon ang online bullying, bisan pa nga adunay daghang kampanya kabahin sa mental health ug pagpugong sa cyberbullying.
Gipadayag usab ni Will nga posibleng iyang ipasaka sa balaod ang kaso batok sa mga nagpakaylap sa mensahe nga puno sa kasina ug pagdumot.
Iyang panawagan sa tanan nga gamiton ang social media alang sa pagpakaylap sa gugma, pagkamapositibo, ug pagkahiusa, dili alang sa pagpanaway ug pagpasakit sa uban.
Photo Courtesy to:GMA Network
