Dakong garbo alang sa bag-ong magka-loveteam nga sila Rabin Angeles ug Angela Muji ang makatrabaho ang multi-awarded ug respetadong beteranang aktres nga si Lorna Tolentino sa Philippine adaptation sa 2012 South Korean blockbuster film nga A Werewolf Boy.
Ang maong pelikula opisyal nga gilunsad karong semanaha ubos sa Viva Films, nga mao gihapon ang produksiyon nga nagpasiugda sa daghang mga classic ug critically acclaimed films ni Tolentino kaniadto sama sa Ang Sinasamba Kita (1982), Init Sa Magdamag (1983), Sana Bukas Pa Ang Kahapon (1982), Maging Akin Ka Lamang (1987), Pusong Mamon (1998), Abakada… Ina (2001), ug Felix Manalo (2015).
Gipanghambog usab sa Viva Films nga usa kini sa pinakadako nilang proyekto sa tuig 2025, nga nagtinguha nga mapahiuli ang “classic romance-fantasy” nga genre nga gipangayo pag-usab sa mga manan-aw.
Nahibaloan nga si Lorna Tolentino nakatigum na og daghang best actress awards sa iyang karera, lakip na ang iyang 1992 film nga Narito Ang Puso Ko, nga gihapon gipaluyohan sa Viva Films — usa sa mga proyekto nga nakahatag kaniya sa titulo nga “Queen of Philippine Drama.”
Sumala sa Viva Films, ang “A Werewolf Boy (Philippine Adaptation)” gisugdan na ang principal photography ug gilauman nga ipagawas sa mga sinehan sa unang quarter sa 2026.
Photo Courtesy to:MyDramalist
