KASAL MIRESULTA SA PANAGKITA SA MAG-INAHAN, HUMAN SA 20 KA TUIG NGA PAGKAWALA SA ANAK

Wala katoo ang mga bisita sa usa ka kasal sa nasud China ang nahimong emosyonal nga pagkita pag-usab sa usa ka inahan ug anak nga dugay nang nagbulag, human masayran nga ang pangasaw-onon sa iyang anak nga lalaki mao diay ang dugay na niyang nawala nga anak nga babaye.

Matod sa taho, nasayran sa inahan nga ang pangasaw-on sa iyang anak adunay alom sa kamot nga kapareho sa birthmark sa iyang nawala nga anak.

Tungod niini, iyang gipangutana ang ginikanan sa babaye kung ampon ba kini, ug didto nila nasayran nga nakaplagan ra nila ang bata sa kilid sa dalan kapin 20 ka tuig na ang milabay, ug ilang gipadako ingon nga kaugalingong anak.

Human makumpirma ang tanan, naghilak ug naggakos ang inahan ug ang bride sa ilang panagkita pag-usab.

Sa sinugdan, nalibog ang babaye kung igsoon ba niya ang lalaking pakaslan, apan gipasabot sa inahan nga inampon ra niya ang groom pagkahuman mawala ang iyang tinuod nga anak.

Bisan pa sa emosyonal nga kasinatian, nadayon gihapon ang kasal sumala sa plano.

Photo Courtesy to:Mashable sea