Gipakita ni Jinkee Pacquiao ang iyang suporta para sa anak ni Manny Pacquiao nga si Eman Bacosa, atol sa iyang bag-o nga away, ang ‘Thrilla in Manila 2.’ nga gipahigayon sa Araneta Coliseum sa Cubao, Quezon City, niadtong Oktubre 29.
Nag-cheer si Jinkee Pacquiao gikan sa kilid sa ring samtang ang anak ni Manny Pacquiao nga si Eman Bacosa, misaka sa ring para sa iyang pinakabag-o nga away. Sa usa ka Instagram post, gipaambit ni Jinkee ang mga litrato uban ni Manny gikan sa away ni Eman atol sa Thrilla in Manila 2,
Ang Thrilla in Manila 2 event usa ka proyekto sa MP Promotions, nga gipanag-iya ni Manny Pacquiao. Ang kalihokan nagsaulog sa ika-50 nga anibersaryo sa orihinal nga Thrilla in Manila, diin gipakita ang makasaysayanong away sa boksing tali nila ni Muhammad Ali ug Joe Frazier niadtong Oktubre 1, 1975.
Sa social media, usa ka video nga gipaambit sa Sports On Air ang nakakuha sa makapadasig nga panagkita pag-usab samtang si Eman Bacos matinahuron nga miabiabi kang Manny ug Jinkee, nga nakakuha og pagdayeg gikan sa mga netizens nga natandog sa talagsaon nga higayon sa pamilya.
Matod ni Eman “Nalipay kaayo ko nga napalipay nako siya, ug malipayon kaayo ko nga napalipay nako ang akong mga ginikanan,” sa One Sports PHL atol sa usa ka makapatandog nga higayon uban sa iyang amahan.
Gipildi ni Eman si Nico Salado sa Bohol pinaagi sa unanimous decision, diin ang mga hurado miiskor sa away og 58-55, 58-55, ug 60-53.
Photo Courtesy:PEP.PH
