Gibutyag sa Iran nga dili kini magdali sa pagpadayon sa nuclear talks uban sa Estados Unidos (US), ug magpabilin nga abli sa posibilidad sa dayalogo kung adunay patas nga kasabutan.
Sumala sa Iranian Foreign Minister Abbas Araghchi, andam silang makig-estorya sa US kung adunay patas nga interes ug respeto sa soberanya sa matag nasud.
Matod pa ni Araghchi, adunay mga kondisyon nga gilitok ang US aron ipadayon ang negosasyon, lakip ang direktang negosasyon, zero uranium enrichment, ug paglimita sa missile stockpile sa Iran.
Apan giingon sa opisyal nga ang mga kondisyon sa US “illogical ug unfair”, tungod kay kini nagpahuyang sa nasyonal nga interes ug seguridad sa Iran.
Kahinumduman nga mireklamo ang Iran human sa airstrike nga gihimo sa US sa usa sa ilang nuclear facility, nga misangpot sa kadaut sa imprastraktura.
Samtang, ang Oman ang nanguna sa pagpanguna sa ceasefire efforts tali sa Iran ug US, aron malikayan ang dugang nga eskalasyon ug mapreserbar ang kalinaw sa rehiyon.
PHOTO COURTESY TO:INSS
