Gikumpirma sa Israel ang identidad sa tulo ka patayng lawas sa Hamas nga nadawat niini pinaagi sa Red Cross. Base sa mga forensic test, giila sila nga sila si Col Asaf Hamami, 40 anyos, Capt Omer Neutra, 21 anyos ug Staff Sgt Oz Daniel, 19 anyos.
Ang kumpirmasyon nagpasabot nga adunay walo pa ka patayng lawas sa Israel ug langyaw nga mga binilanggo nga nahabilin sa Gaza.
Base sa unang bahin sa kasabutan sa ceasefire nga gipasiugdahan sa US, miuyon ang Hamas nga ibalik ang 20 ka buhi ug 28 ka patayng lawas nga gihuptan niini.
Sa sinugdanan, giakusahan sa Israel ang Hamas sa paglangan sa pagbawi sa mga patayng lawas, apan giklaro sa Hamas, nga naglisod sila sa pagpangita sa mga lawas nga nalubong ilalom sa nahugno nga mga bilding.
Photo Courtesy to:France 24
