Nakatakdang madawat sa Philippine Air Force (PAF) ang lima ka bag-ong S-70i Black Hawk helicopters sa Nobyembre 6. Matod ni PAF spokesperson Col. Ma. Christina Basco, na-deliver ang mga aircraft niadtong Oktubre 20.
Nakapasar matod pa ang mga Black Hawk helicopter human ipailawom sa technical inspection ug acceptance committee inspection gikan sa Oktubre 22 hangtod 28.
Dalan kini para pormal nang dawaton sa PAF ang mga helicopter karong semanaha. Ipahigayon ang seremoniya alang sa turn-over ug blessings sa nasangpit nga mga aircraft sa Presidential Air Wing Hangar sa Villamor Air Base sa Pasay City.
Magsilbing guest of honor speaker si Budget Secretary Amenah Pangandaman. Ang lima nga aircraft maona ang ikaupat nga batch gikan sa 32 ka mga Black hawk unit acquisition order nga gipirmahan niadtong tuig 2022.
Photo Courtesy to:Inquirer.net
