Nanawagan ang World Health Organization (WHO) sa mga lider sa nasud ug sa mga siyudad nga maghimo og mas estratehikong lakang alang sa panglawas sa mga urban nga lugar.
Sa pagsaulog sa World Cities Day, gilusad sa WHO ang usa ka giya nga gitawag og “Taking a Strategic Approach to Urban Health” aron matubag ang mga problema sa panglawas sa mga siyudad.
Kapin 4.4 bilyon ka tawo ang nagpuyo sa mga urban nga lugar, diin gakahitaho ang mga isyu sa panglawas, kakabus, kinaiyahan ug ekonomiya.
Sumala sa ahensya, ang mga informal settlement ug slum area maoy adunay labing lisod nga kahimtang, lakip na ang kakulang sa tarong nga puluy-anan, sanitasyon, ug seguridad sa pagkaon.
Gihingusgan sa maong giya ang panaghiusa sa nagkadaiyang sektor aron makab-ot ang mas patas, mas himsog, ug mas lig-on nga mga komunidad.
Atol niini, gilusad usab sa WHO ang Urban Health E-learning course aron mapalig-on ang kahibalo ug abilidad sa mga lider sa natad sa urban health.
Photo Courtesy to:Think Global Health
