Gimandoan na usab ni Israeli Prime Minister Benjamin Netanyahu ang grabe nga airstrike batok sa Hamas. Giakusahan sa Israel ang Hamas og panlimbong human nga ang lungon (kabaong) nga ilang gitunol walay sulod nga mga bihag base sa gihimong pagsusi.
Klaro matod pa nga kini paglapas sa gikasabutan nga Gaza ceasefire deal diin kinahanglan unta nga ma-uli na nila ang patayng lawas sa nahibilin nga 13 pa nila ka bihag.
Gipanghimakak hinuon kini sa Hamas, ug giingon nila nga gibabagan sa Israel ang ilang paningkamot aron hingpit nga makit-an ang mga patayng lawas sa ilang mga bihag.
Nanawagan sila sa mga mediators (tigpataliwala) nga mohimo dayon og lakang aron dili na mograbe pa ang gihimong airstrike sa Israel nga nakapatay og lima ka tawo.
Photo courtesy: Anadulo Ajansi
