Nagpadayag sa kasinatian sa gugma ang bag-ong singer-songwriter nga si Shawn Crab pinaagi sa iyang pinakabag-ong mga kanta nga “Tago” ug “Ang Labo.”
Ang “Tago” naghisgot sa sinugdanan sa usa ka pagbati ang kalibog ug kahadlok nga ipadayag ang tinuod nga gibati ngadto sa tawo nga gihigugma. Samtang ang “Ang Labo” naghulagway sa kalit-kalit nga mixed signals nga kasagaran masinati sa usa ka relasyon, diin lisod masabtan kung tinuod ba o dili ang emosyon sa usa ka tawo.
Si Shawn mismo ang nagsulat sa duha ka kanta, samtang si Roque “Rox” Santos, ang label head sa StarPop, ang nagdumala sa produksyon niini.
Niadtong Pebrero, gipagawas ni Shawn ang iyang unang single nga “Love Has Come My Way” ubos gihapon sa StarPop label.
Gikan sa San Francisco, USA, nibalhin si Shawn sa Pilipinas aron tumanon ang iyang damgo nga mahimong usa ka musikero. Nagsugod siya pagtugtog sa piano sa edad nga 10 ug nakasugod og pagsulat og kanta sa edad nga 11. Ang iyang mga inspirasyon sa musika naglakip nila Billie Eilish, Frank Ocean, ug Clairo.
Ang mga kanta mahimong mapaminawan sa nagkadaiyang streaming platforms. Pinaagi sa iyang mga awit, gusto ni Shawn nga ipakita ang mga tinuod nga gibati ug kalibog sa gugma — usa ka tema nga kasagaran gyud nga masabtan ug matagamtaman sa mga kabatan-onan karon.
