Makapakurat nga insidente sa sobra nga obsesyon ang nahitabo sa Arizona, human gidakop ang usa ka babaye niadtong 2018, tungod sa pagpadala og 159,000 ka text messages sa lalaki nga igo ra niya na date sa usa ka higayon.
Giila ang suspek nga si Jacqueline Ades, nagsugod sa pagpakig-date sa biktima pinaagi sa usa ka dating app, apan ang usa ka higayon nga panag-date misangpot sa grabeng obsession ni Ades.
Sumala sa mga taho, ang mga mensahe naglakip na sa makalilisang nga mga hulga, apil na ang usa ka text diin nag-ingon si Ades nga gusto niyang maligo sa dugo sa lalaki.
Ang kahimtang misamot ka grabe dihang nasakpan si Ades nga miadto sa panimalay sa biktima ug didto naligo samtang wala ang lalaki.
Tungod niini, gidakop siya sa kapulisan ug gipasakaan og kasong stalking, criminal trespassing, ug threatening. Bisan pa sa iyang gihimo, si Ades wala magmahay sa iyang mga interbyu ug nagpabilin gihapon sa iyang pagtuo nga sila sa lalaki ang mag soulmates.
Kini nga panghitabo nagsilbing seryosong pasidaan sa publiko kalabot sa delikado ug makadaot nga epekto sa sobra nga obsesyon ug sa kamahinungdanon sa pagpahimutang og klarong utlanan sa kalibotan sa online dating.
Photo for illustration Courtesy to:shutterstock
