Natala sa Guinness World Records ang usa ka binuhing baboy sa Illinois ang opisyal nga giila human gipakita ang talagsaon niining kahanas sa pag-skateboard. Giila ang maong baboy nga si Norbert, gikan sa Buffalo Grove, nakakuha og rekord alang sa “pinakapaspas nga 10 metros nga pagduso sa usa ka skateboard sa usa ka baboy.”
Nabuhat ni Norbert ang 10-metros nga distansya sulod lang sa 11.32 segundos. Sumala sa tig-atiman ni Norbert, si Vincent Baran, aksidente niyang nadiskobrehan ang ang talento sa iyang binuhi nga baboy sa dihang nakita niya ang iyang daan nga skateboard.
Matod sa lalaki nga “Gikuha niya ang iyang board sa bata pa sya ug gisulayan nako siya nga ibutang niini. Sumpay pa nga “Nagdala siya og unsalted peanuts. Sulod sa 15 minutos, nakabalanse na siya sa board.”
Dugang niya nga human sa pipila ka pagbansay, nakakat-on si Norbert sa pagduso sa iyang kaugalingon samtang nagsakay sa skateboard sa dalan. Karon, ang 175-pound nga si Norbert giingon nga usa ka “natural” sa board ug daw andam nga ipakita ang iyang kahanas.
“Human sa pipila ka praktis, nakuha na gyud namo ang husto nga timpla ug perpekto ang iyang pagdagan,” ingon ni Baran. Tungod sa iyang kaabtik, si Norbert gibansagan “Tony Pork,” isip pasidungog sa maalamat nga skateboarder nga si Tony Hawk.
Photo Coutesy: guinnessworldrecords
