Gidayeg ni US Vice President JD Vance ang maayong resulta sa ceasefire deal tali sa Hamas ug Israel nga karon anaa sa positibong kahimtang. Anaa na karon sa Israel si Vance aron personal nga susihon ang kahimtang sa gipatuman nga kasabutan sa pagpahunong sa giyera.
Nagpahimangno usab siya sa Hamas nga kung dili kini makigtambayayong sa kasabutan, adunay dili maayong sangputanan nga ilang atubangon.
Gilauman nga makigpulong usab si Vance kang Israeli Prime Minister Benjamin Netanyahu aron hikayaton kini nga isulong ang taas nga panahon nga ceasefire sa Gaza.
Kahinumduman nga mitubag ang Hamas ug Israel sa ceasefire proposal nga gisugyot sa Estados Unidos aron makab-ot ang kalinaw ug kahilom sa Gaza human sa dugay nga panagbangi.
Photo courtesy to:Anadolu Anjasi
