Sa tinguha nga palig-onon ang transparency ug pakigbatok sa korapsyon, gitangtang sa Office of the Ombudsman ang nangaging mga restriksyon sa pagkuha sa Statement of Assets, Liabilities, and Net Worth (SALN) sa mga opisyal sa gobyerno pinaagi sa Memorandum Circular No.
Matod sa Ombudsman, importante nga ipakita sa publiko kung giunsa pagkuha ug pagdumala sa mga opisyal ang ilang mga kabtangan, ug ang publiko adunay katungod nga mahibal-an kini isip bahin sa maayong pagdumala.
Sugod kagahapong adlawa, mahimong masusi ug makopya ang mga SALN napulo (10) ka adlaw human sa deadline sa pagsumite sa mga buhatan sa gobyerno. Kinahanglang isumiter ang mga hangyo ngadto sa Public Assistance and Corruption Prevention Office (PACPO) o Public Assistance and Corruption Prevention Bureau (PACPB).
Kung adunay igong ebidensya sa wala mapasabot nga bahandi, mahimong ipasaka ang reklamo sa Field Investigation Office (FIO) sa Ombudsman.
Apan, ang pipila ka personal nga impormasyon sa SALN dili na iapil sa mga dokumento nga gipagawas sa publiko, sama sa: Kompleto nga adres sa nagdeklara, Mga detalye sa menor de edad nga mga bata, Pirma, ug Mga numero sa pag-ila
Kini nga lakang usa ka dakong pagbag-o gikan sa mas estrikto nga palisiya sa miaging mga tuig, ug gilauman nga maghatag dalan alang sa mas abli nga gobyerno ug mas aktibo nga partisipasyon sa publiko sa pagrepaso sa mga alagad sibil.
via: REDDIT/NL
