Patay sa pagpamusil ang inahan sa usa ka pamilya samtang nasamdan ang bana ug anak nga lalaking menor-de-edad human gipamusil sulod mismo sa ilang balay pasado alas 8 nakalabayng gabii, Oktubre 14, 2025. Giila ang bitkima nga si Rutchell Lasponia Amad, 32 anyos, Jorniel Amad, 34 anyos, ug alyas Biboy, 12 anyos
Sa pakighinabi sa Juander Radyo Malaybalay sa inahan sa biktimang babaye giingong mangatulog na ang pamilya dihang pugsanong misulod sa ilang balay ang suspetsado ug dayong gipusil ang asawa, kinsa nakaangkon ug 18 ka samad pinusilan sa nagkadaiyang parte sa kalawasan hinungdan sa iyang kamatayon samtang naigo sa paa ang bana, human miambak sa bintana kauban ang ilang 12-anyos nga anak nga samdan usab sa insidente.
Hinuon, wala maapil sa pagpamusil ang anak nga batang babaye 8 anyos ug laing 9 pa ka bulan nga naa sulod sa balay atol sa panghitabo. Narekober sa crime scene ang 13 ka basiyo sa bala sa kalibre .45 nga pistola gigamit suspetsado giilang si alyas Jhonny, kinsa kanhing drug surrenderee ug giingong dugay nang gipangita sa mga otoridad tungod sa pagkalambigit sa daghang krimen.
Sa karon giawhag ni Police Executive Master Sergeant Rafael Ganadillo, imbestigador sa San Fernando Police Station ang pamilya mopasaka sa kaso, samtang padayon gipangita kapulisan ang suspetsado .Gituohan nga personal grudge maoy motibo sa maong insidenti.
via: San Fernando PNP
