Mipirma og multiyear extension si Jason Kidd, isip head coach sa Dallas Mavericks. Karong tuiga mao na ang iyang ika-upat nga season sa pagpangulo sa Mavs, diin iyang gidala ang team sa Western Conference Finals, kaniadtong 2022 ug sa NBA Finals niadtong 2024, diin napildi sila batok sa Boston Celtics.
Human sa report nga interesado ang New York Knicks nga kuhaon siya isip coach, dali siyang gi-offeran og extension contract sa Mavericks aron magpabilin siya sa organisasyon.
Si Kidd adunay kinatibuk-ang record nga 362-339, sa siyam ka tuig nga pagka-NBA head coach sa Dallas Mavericks, Brooklyn Nets, ug Milwaukee Bucks.
Sa Mavericks, may record siya nga 179-149 sulod sa upat ka tuig. Kaniadtong 2011, usa siya sa mga magdudula sa Dallas Mavericks kauban si Dirk Nowitzki, ug nakakuha sila sa ilang NBA championship niadtong tuiga.
Photo courtesy to:Inquirer.net
