Labing menos 16 ka mga tawo ang namatay human miulbo ang dakong sunog sa usa ka pabrika sa tela sa lungsod sa Mirpur, rehiyon sa Dhaka Bangladesh.
Ang mga otoridad miingon nga grabeng nasunog ang patyang lawas sa mga biktima ug dili na mailhan nga gikatakdang ipaubos sa DNA testing aron makumpirma ang ilang pagkatawo ug ihatod sa ilang mga pamilya.
Nagtapok ang mga kabanay sa mga biktima atubangan sa nasunog nga upat ka andanang pabrika samtang ang mga awtoridad nagpadayon sa ilang paningkamot sa pag-ila sa tanan nga mga patayng lawas ug pagsubay sa posibleng missing.
Matod sa mga bombero nga niabot kapin sa tulo ka oras ayha hingpit napalong ang kalayo kung asa adunay usa ka duol nga bodega sa kemikal ang naapektuhan sa insidente, nga gituohang hinungdan sa mas dakong sunog ug aso.
Usa ka saksi miingon nga ang kalayo dali nga mikaylap, ug daghang mga trabahante ang natanggong sa ibabaw nga andana sa building tungod kay walay igo nga mga fire exit o luwas nga mga agianan sa paggawas.
Ang mga awtoridad nagpadayon sa ilang imbestigasyon aron mahibal-an ang hinungdan sa sunog, samtang ang tagdumala sa pabrika gidakop alang sa dugang imbestigasyon
via: GN/BBC
