Ang Barangay Ginebra mitala sa ilang unang daog sa PBA 50th Season Philippine Cup. Kini human nilang gipukan ang TNT, 92-77 sa duwa nga gipahigayon sa Smart Araneta.
Sa first quarter, ang Ginebra naggunit og 33-16 nga labaw ug wala na makaapas ang TNT. Si Japeth Aguilar maoy nangulo sa Ginebra sa kadaugan pinaagi sa iyang 17 puntos samtang nihatag og 14 puntos si RJ Abarrientos.
Si Troy Rosario niamot og 13 puntos ug 13 ka rebounds samtang nihatag og 10 puntos ug siyam ka assists si Scottie Thompson. Matod ni Ginebra coach Tim Cone nga leksiyon na ang ilang kapildihan sa unang duwa.
Nausik ang 17 puntos ni Simon Enciso samtang nihatag og 11 puntos si Kevin Ferrer alang sa Tropang 5G.
Photo courtesy to:tribune.net.ph
