Padayon karon ang imbestigasyon sa mga otoridad sa Hong Kong kalabot sa duha ka Overseas Filipino Workers (OFW) nga gi-report nga nawala samtang nag-hiking.
Sumala sa Department of Foreign Affairs (DFA), nakig-koordinar na ang Philippine Consulate General sa Hong Kong uban sa Hong Kong Police ug Immigration Department aron masuta ang panghitabo.
Gipahibalo usab sa DFA nga ang Migrant Workers Office ug Overseas Workers Welfare Administration (OWWA) nakig communicate na sa amo ug sa kapamilya sa duha ka OFW.
Base sa report sa South China Morning Post, gipangayo na sa Hong Kong Police ang tabang sa publiko aron makit-an sila Mahilum Pabuaya, 24 anyos, ug Aleli Perez Tibay, 33 anyos. Kataposan silang nakit-an sa Lung Mun Country Trail sa Tsuen Wan niadtong Oktubre 4, 2025, tali alas 4:30 hangtod alas 5 sa hapon.
Ang Department of Migrant Workers (DMW) maoy magpagawas sa dugang update kalabot sa kaso.
SOURCE: PNA
