Nagkadaghan ang mga nasod nga misuporta sa pagdili sa paggamit sa social media sa mga bata, human sa Australia nga unang nagpahamtang og ban sa mga ubos sa 16 anyos nga mogamit sa mga platform sama sa Facebook, Instagram, TikTok, Snapchat, ug YouTube.
Lakip sa mga nasod nga nagtrabaho karon sa susamang balaod ang Italy, Spain, pipila ka estado sa US, ug South Korea.
Base sa survey sa Ipsos Education Monitor 2025, 71 porsiyento sa mga partisipante sa tibuok kalibutan ang mosuporta sa pagdili sa social media alang sa mga bata ubos sa 14 anyos.
Pinakataas ang suporta sa Indonesia (87%), France (85%), Spain (84%) ug Colombia (82%), samtang 76% sa mga taga-Türkiye ang pabor sa maong balaod.
Gipakita usab sa survey nga 55 porsiyento sa mga partisipante sa kalibutan ang pabor nga i-bawal ang smartphone sa mga eskwelahan, diin nanguna ang France sa 80 porsiyento.
Sumala sa ulahi nga mga pagtuon, ang sobrang paggamit sa social media sa kabatan-onan mahimong usa sa mga hinungdan sa pagtaas sa depresyon ug kabalaka sa mga batan-on.
SOURCE: REUTERS
