Nanawagan Si Pope Leo XIV kaniadtong Domingo alang sa “kaisog” gikan sa mga nagpasiugda sa usa ka plano sa kalinaw alang sa Gaza, samtang ang mga lider sa kalibutan nangandam alang sa usa ka summit nga nagtumong sa pagtapos sa panagbangi.
Gidasig sa Santo Papa ang mga partido sa pagpadayon sa mga lakang padulong sa usa ka makiangayon ug malungtarong kalinaw nga nagtahod sa mga lehitimong pangandoy sa katawhang Israeli ug Palestinian.
Kaniadtong Lunes, si US President Donald Trump ug Egyptian President Abdel Fattah al-Sisi nangulo sa usa ka summit sa Sharm el-Sheikh nga gitumong sa pagtapos sa gubat sa Gaza Strip.
Hisgutan sa mga lider ang pagpatuman sa unang hugna sa hunong-buto, duha ka tuig human sa Oktubre 7, 2023 nga pag-atake sa Hamas, nga nagpasamot kontra-opensiba sa Israel nga mipatay sa kapin sa 67,000 ka mga Palestinian.
Gipadayag usab sa Santo Papa ang iyang lawom nga kasubo human madungog ang bag-ong pag-atake sa lainlaing mga syudad ug imprastraktura sa sibilyan sa Ukraine, nga hinungdan sa pagkamatay sa mga inosenteng tawo, lakip ang mga bata.
Photo courtesy to: Holy Apostles College and Seminary
