Nanawagan ang National Association of Electricity Consumers for Reforms Inc. (NASECORE) ngadto sa Department of Energy (DOE) nga i-withdraw ang exemption nga gihatag sa unang nuclear power plant sa nasod gikan sa Competitive Selection Process (CSP), nga nalatid sa bag-ong circular sa ahensya.
Gisaway sa consumer watchdog ang DOE Department Circular No. DC2025-10-0019, nga nagtugot sa distribution utilities sa pagpalit ug kuryente direkta gikan sa nuclear plants nga walay bidding.
Matod ni NASECORE president Petronilo Ilagan, ang exemption supak sa Electric Power Industry Reform Act (EPIRA), kanhi DOE circulars, ug mga desisyon sa Korte Suprema nga nagpalig-on sa mandato sa CSP.
Dugang ni Ilagan nga ang CSP usa ka importanteng mekanismo batok sa overpricing, collusion, ug unfair energy contracts.
Kahinumduman nga ang maong circular maoy unang kamandoan nga gipirmahan ni Energy Secretary Sharon Garin.
Photo courtesy to:Manila Standard
