Nasikop sa mga operatiba sa Police Station 20–Los Amigos ang usa ka suspek nga nailhan sa alyas “Brad” atol sa buy-bust operation sa Purok 6-B8, Barangay Los Amigos, Tugbok District, Davao City.
Gipangulohan sa Station Drug Enforcement Team (SDET) ang operasyon ubos sa superbisyon ni PMAJ Roel C. Ibañez, Acting Station Commander, isip kabahin sa padayong kampanya batok sa ilegal nga droga. Narekober sa mga kapulisan ang mga gidudahang ilegal nga droga nga adunay standard drug price nga mokabat sa P10,200.00.
Ang suspek ug mga nakumpiska nga ebidensiya anaa na sa kustodiya sa kapulisan alang sa hustong proseso tungod sa giingong paglapas sa Republic Act 9165 kun Comprehensive Dangerous Drugs Act of 2002.
Photo courtesy: DCPO
