Dakpan sa mga otoridad ang usa ka lalaki nga gikonsiderang Other Wanted Person atol sa gilusad nga operasyon sa NHA Tumayog Brgy. Taytayan, Cateel, Davao Oriental pasado alas 7:30 sa gabii niadtong nakalabay nga adlaw.
Ang suspek naila nga si alyas “Tata”, 52 anyos, nga residente sa maong lugar, kinsa nadakpan pinaagi sa pagpanguna sa mga personahe sa Cateel Municipal Police Station, kauban ang Provincial Investigation and Detective Management Unit ug lain pang mga operatiba.
Nasikop ang suspetsado pinaagi sa pagpatuman sa warrant of arrest alang sa kasong qualified theft nga giisyu sa korte ug adunay pyansang girekomendar nga mukabat ngadto sa Php30,000.00.
Gipasabot ang akusado sa iyang mga katungod atol sa pagdakop ug sa pagkakaron anaa na kini sa kustodiya sa Cateel Municipal Police Station alang sa hustong disposisyon.
Photo courtesy: Cateel Mps
