Gipasiugda sa Information and Communications Technology (ICT) Unit sa Schools Division of Davao de Oro ang kahinungdanon sa teknolohiya sa pagpauswag sa sistema sa edukasyon ug pagsiguro sa kaluwasan sa mga datos.
Sumala ni Bob Dylan S. Milabat, IT Officer sa Schools Division of Davao de Oro, kabahin sa ilang responsibilidad ang pagpanalipod sa pribasiya sa datos, pagpatuman sa mga polisiya sa ICT, pagpalig-on sa cybersecurity, ug pagsiguro sa husto ug luwas nga paggamit sa teknolohiya.-
Gidugang nga dako ang ikatabang sa ICT sa pagpauswag sa pamaagi sa pagtudlo ug pagkat-on, ingon man sa pagdumala ug pagpaambit sa impormasyon sulod sa mga eskwelahan sa probinsiya. Pinaagi niini, gilaoman nga mas mapalig-on ang episyente ug luwas nga paggamit sa teknolohiya sa sektor sa edukasyon sa Davao de Oro.
