Gipahigayon ang 2026 LGSF-FALGA Food Assistance Rice Distribution Project sa Barangay Libasan, lungsod sa Nabunturan, Davao de Oro Oktubre 21, 2026, diin panghatagan og napulo ka kilos nga bugas ang matag benepisyaryo.
Nitambong sa maong kalihukan sila si Mayor Myrocel Balili, Vice Mayor Cyrian Reterba, kauban ang mga miyembro sa Sangguniang Bayan nga sila SB Member Rodel Balili, SB Member Roy Bayonita ug SB Member Franklin Alipan, uban sa ubang kawani sa lokal nga panggamhanan sa Nabunturan.
Nakatambong usab ang representante ni Governor Engr. Raul Mabanglo nga si Boy Arais, mga opisyal sa Barangay Libasan, ug ang mga benepisyaryo.
Ang maong tabang sa bugas gikan sa nasudnong panggamhanan, sa suporta nila Congressman Leonel “Jhong” Ceniza ug Congresswoman Maricar Zamora-Mabanglo, ug sa Provincial Government of Davao de Oro ubos sa pagpangulo ni Governor Engr. Raul Mabanglo.
Tumong sa maong programa nga maipaabot ang tabang sa pagkaon ngadto sa mga kwalipikadong benepisyaryo aron makatabang sa ilang adlaw-adlaw nga panginahanglan, ilabi na sa pag-atubang sa nagkadaiyang kalisod sa panginabuhi.
