Nakab-ot sa Baganga Municipal Police Station ang ikaduhang pwesto taliwala sa mga Class B Police Station sa rehiyonal nga lebel, human nakuha ang 86.19 porsyento sa Unit Performance Evaluation Rating alang sa Septyembre 2026.
Personal nga gidawat ni PCPT Roy L. Englisa, Officer-in-Charge sa Baganga MPS, ang Certificate of Recognition isip pag-ila sa maayong performance sa ilang mga personahe.
Gihatag ang maong pasidungog niadtong Oktubre 19, 2026, atol sa Monday Flag-Raising Ceremony nga gipangunahan ni PLTCOL Rosauro B. Francisco Jr., Officer-in-Charge sa Davao Oriental Police Provincial Office kun DOPPO sa Admin Building sa DOPPO Compound, Barangay Dahican, dakbayan sa Mati.
Kini nga kalampusan nagsilbing dugang inspirasyon sa mga kapulisan aron ipadayon ang ilang pagka-propesyonalismo, disiplina, ug dekalidad nga serbisyo alang sa kaluwasan ug kaayohan sa katawhan.
Photo courtesy: Baganga MPS
