Nipasidaan ang Philippine Psychiatric Association (PPA) sa posibilidad nga makasinati og “disaster fatigue” ang pipila ka mga lungsuranon, taliwala sa sunodsunod nga mga katalagman sama sa linog, bagyo, ug baha sa nagkadaiyang dapit sa nasud.
Matod pa ni Dr. Joan Mae Perez-Rifareal, presidente sa PPA, ang disaster fatigue usa ka matang sa emosyonal ug mental nga kakapoy nga nagagikan sa kakulang sa kontrol nga nagahitabo sa palibot.
Sumala pa ni Rifareal, kung magsunod-sunod ang mga kalamidad, ang mga tawo makasinati og kakapoy, kaluya ug pagkawalay paglaum.
Isip tubag, nagtambag ang mga eksperto nga magpokus sa mga butang nga mahimo natong kontrolon, sama sa pag-andam panahon sa mga katalagman, pagsunod sa mga pahibalo sa otoridad, ug pag-atiman sa kaugalingon nga kahimsog.
Dugang ni Rifareal, nga ang kooperasyon sa komunidad ug pagtubag sa panginahanglan sa usag-usa importante usab aron mapadayon ang kalig-on taliwala sa krisis.
Photo courtesy to:Philippine Psychiatric Association
