Human ang botohan sa nahitabong eleksyon sa Cameroon niadtong Domingo, posible na usab nga modugang pa og pito ka tuig sa pagpanerbisyo ang pinakakaraan nga lider sa Africa ug labing tigulang nga presidente sa tibuok kalibutan si Presidente Paul Biya.
Si Biya, nga karon 92 anyos na, adunay dakong posibilidad nga makadaog pag-usab sa eleksyon. Kung siya modaug, molungtad ang iyang bag-ong termino hangtod siya moabot sa edad nga 99.
Nahimong presidente si Biya sukad niadtong 1982, human muresign ang una nga presidente sa Cameroon nga si Ahmadou Ahidjo. Sukad pa sa ilang kagawasan niadtong 1960, duha ra ka presidente ang nanerbisyo sa Cameroon – si Ahidjo ug si Biya.
Bisan pa sa sobra 43 ka tuig nga pagdumala ni Biya, aduna gihapoy daghang mga lumolupyo sa Cameroon nga nanawagan og kabag-ohan alang sa ilang nasod.
Usa sa mga isyu nga giatubang karon mao ang kahimtang sa panglawas sa presidente, tungod sa kasagaran niya nga biyahe paingon sa Europa aron magpagpahimakas o magpatambal.
Matud pa sa pipila ka report, kasagaran niya nga gisangon ang pagpangdumala sa nasod ngadto sa mga opisyal sa gobyerno ug mga myembro sa iyang pamilya.
Photo courtesy: FRANCE 24
