Putol ang tudlo sa mananagat human gitigbas sa silingan tungod matod pa sa selos nga misangpot sa Kasuko nahitabo anf insidente sa Barangay Lisondra, Surigao City, Oktubre 12, 2025, mga alas 10:48 sa gabii.
Sa impormasyon nga nahipos gikan sa Surigao City Police Station, Naila ang biktima si Jimmy Manada Espinosa, 54 anyos, lalaki, minyo, mananagat, ug residente sa Purok 4, Barangay Lisondra, Surigao City. Ang suspek naila nga si Francisco Lisondra Longos, 52 anyos, lalaki, minyo, ug molupdyos sa nasangpit nga lugar.
Sa imbestigasyon sa kapulisan, nasayran nga samtang nag-inom ang suspek ug ang biktima sulod sa balay sa biktima, nagselos ang suspek human giagbayan sa biktima ang asawa sa suspek.
Tungod niini, nasuko ang suspetsado ug gitawag ang iyang asawa nga mopauli. Apan gisundan kini sa biktima, maong giatubang siya sa suspetsado ug giaksyonan pagtigbas gamit ang lagaraw.
Nakalingkawas ang biktima ug midagan pauli sa iyang balay apan gigukod siya sa suspek. Ang biktima naka-angkon og mga samad sa wala nga kamot ug naputol ang tumoy sa tudlo.
Nadakpan gilayon ang suspek ug nakompiska ang “lagaraw”, nga gigamit niini nga adunay gitas-on nga 22 pulgada apil ang kahoy nga gibitbit niini.
Sa pagkakaron, ang biktima gidala sa Caraga Regional Hospital, samtang ang suspek anaa na sa kustodiya sa Surigao City Component Police Station alang sa tukmang disposasyon.
